धरणगाव (प्रतिनिधी) येथील डॉ. बाबासाहेब शॉपींग कॉम्प्लेक्स परीसर, श्री. छत्रपती शिवाजी महाराज कॉम्प्लेक्स परिसर, लांडगे गल्ली, पाळधी वाडा या ठिकाणी पेव्हर ब्लॉकचे काम दर्जेदार होत नाहीय. त्यामुळे शासनाच्या पैशांच्या अपव्यय होत आहे. या कामांची चौकशी करुन दोषी असल्यास ठेकेदारावर गुन्हा दाखल करून बिल अदा करु नये, तसे न झाल्यास भारतीय जनता पार्टीतर्फे आंदोलन करण्यात येईल, असा इशारा धरणगाव शहराध्यक्ष दिलीप महाजन यांनी दिला आहे.
धरणगाव शहराध्यक्ष दिलीप महाजन यांनी धरणगाव नगर परिषद मुख्याधिकारी यांना दिलेल्या निवेदनात म्हंटले आहे की, धरणगाव शहरात पेव्हरब्लॉक बसविण्याचे काम हे जिल्हाधिकारी यांनी कोवीड- १९ सदर दि. १४ एप्रिल २०२१ ते दि. १ मे २०२१ पर्यंत काढलेल्या आदेशानुसार सदर काम होत नाहीय. तसेच चालु असलेल्या कामाच्या ठिकाणी एकाही मजुराची राहण्याची व्यवस्था केलेली नाही. मजुर व ठेकेदार तोंडाला मास न लावता काम करीत आहेत. बांधकाम मजुर एक ठिकाणाहून दुसऱ्या ठिकाणी रोज ये-जा करीत आहेत. त्यामुळे कोरोना वाढण्याची दाट शक्यता आहे. तरी संबंधीत ठेकेदारावर कारवाई करावी. तसेच सदरील काम १. डॉ. बाबासाहेब शॉपींग कॉम्प्लेक्स परीसर, २. श्री. छत्रपती शिवाजी महाराज कॉम्प्लेक्स परिसर, ३. लांडगे गल्ली परिसर, ४. पाळधी वाडा परिसर इ. ठिकाणी सुरु असलेले पेव्हर ब्लॉकचे काम इस्टीमेट दराने ठेकेदार करीत नसून शासनाच्या पैशांच्या अपव्यय होत आहे. तरी सदरील कामात मोठ्या प्रमाणात भ्रष्टाचार सुरु आहे. या कामांची चौकशी करुन दोषी असल्यास ठेकेदारावर गुन्हा दाखल करून बिल अदा करु नये, तसे न झाल्यास भारतीय जनता पार्टीतर्फे आंदोलन करण्यात येईल, असा इशारा निवेदनाद्वारे देण्यात आला आहे.
