नाशिक ( प्रतिनिधी ) – शहर व परिसरातून पाच मोटरसायकली चोरीस गेल्याच्या तक्रारी दाखल झाल्या आहेत. याप्रकरणी पंचवटी, भद्रकाली, गंगापूर, अंबड, उपनगर पोलिस स्टेशनमध्ये चोरट्यांविरोधात गुन्हे दाखल झाले आहेत.
मालेगाव स्टॅण्डवरील सागर इंजिनिअरिंग वर्क्स येथून हर्षल संजय कपाटे (वय २९, रा. त्रिमूर्ती चौक, सिडको) यांची मोटरसायकल (एमएच १९ बी २०४८) ८ मार्च रोजी दुपारी २.३० वाजेच्या सुमारास चोरट्याने चोरली. यापअकरणी पंचवटीचे पोलिस हवालदार संदीप बाविस्कर तपास करीत आहेत. निखिल गोरख जाधव (वय २८, रा. कृष्णकमल सोसायटी, स्नेहनगर, दिंडोरी रोड, म्हसरूळ) यांनी त्यांची मोटरसायकल (एमएच १५ सीवाय ९६२८) शालिमार टॉवर येथे १३ मार्च रोजी सकाळी ११ वाजता पार्क केली असता, चोरट्यांनी चोरून नेली. याप्रकरणी भद्रकालीचे हवालदार भारत बोळे तपास करीत आहेत.
स्वप्निल वाळू ढिकले (वय ३०, रा. शालोम हाइट्स, विबग्योर शाळेसमोर, मखमलाबाद रोड) यांनी त्यांची मोटरसायकल (एमएच १५ केजे ५५९५) दि. १० मार्च रोजी रात्री ९.३० वाजता ठक्कर डोमच्या गेटवर पार्क करून ते त्र्यंबकेश्वर येथे बहिणीकडे गेले होते. रात्री १२.३० वाजता मोटरसायकल घेण्यासाठी ते आले असता, ती तेथे नसल्याने त्यांनी तक्रार दाखल केली असून, याप्रकरणी गंगापूर पोलिस ठाण्याचे हवालदार लोंढे तपास करीत आहेत. सातपूर-अंबड लिंक रोडवरील चुंचाळे शिवारातून मुजीब खान सुलतान खान पठाण (वय ४१, रा. विराटनगर, सातपूर, चुंचाळे शिवार) यांनी त्यांची मोटर सायकल (एमएच १५ ईयू ९६०४) १२ मार्च रोजी घरासमोर हॅण्डल लॉक करून पार्क केली असता, चोरट्यांनी चोरून नेली. याप्रकरणी अंबडचे हवालदार धनगर तपास करीत आहेत. नाशिकरोड तरण तलावाजवळून ८ ते ९ मार्चदरम्यान अजय सूर्यभान जेजुरकर (रा. निहारिका हौसिंग सोसायटी, जगताप मळा, तरणतलाव, नाशिकरोड) यांची मोटरसायकल (एमएच १५ डीई ४९२१) घराच्या पार्किंगमध्ये हॅण्डल लॉक करून पार्क केलेली असतांनाही चोरट्यांनी चोरली. याप्रकरणी उपनगर पोलिस स्टेशनचे हवालदार गोसावी तपास करीत आहेत.
