वॉशिंग्टन (वृत्तसंस्था) अमेरिकेतील प्रक्रियेनुसार जो बायडन २० जानेवारी २०२१ ला अध्यक्षपदाची सूत्रे स्वीकारतील. या निवडणुकीद्वारे अमेरिकन जनतेने सत्ताबदल घडवून आणला आहे. दरम्यान, अमेरिकेत सत्ता परिवर्तन होताच TikTok ने ट्रम्प यांच्या एका आदेशाविरोधात न्यायालयाचं दार ठोठावलं आहे.
नुकत्याच पार पडलेल्या अमेरिकन अध्यक्षपदाच्या निवडणुकीत अमेरिकेचे मावळते अध्यक्ष डोनाल्ड ट्रम्प यांना कडवी झुंज देणारे जो बायडन २७९ मते घेऊन विजयी झाले. तर ट्रम्प यांना अवघी २१४ मतं मिळाली. या विजयाबरोबरच बायडन हे अमेरिकेचे ४६ वे राष्ट्राध्यक्ष ठरले आहेत. शॉर्ट व्हिडीओ प्लॅटफॉर्म TikTok वर बंदी आणण्यासाठी अमेरीकन सरकार सातत्याने प्रयत्न करत होते. अमेरिकेचे मावळते अध्यक्ष डोनाल्ड ट्रम्प यांनी याबाबत आदेश दिले होते की, १२ नोव्हेंबरपासून अमेरिकेत TikTok बॅन केलं जाईल. परंतु अमेरिकेत सत्ता परिवर्तन होताच TikTok ने ट्रम्प यांच्याविरोधात कोर्टात याचिका दाखल केली आहे.
अमेरीकन सरकारच्या बंदीविरोधात TikTok ने कोर्टात ट्रम्प प्रशासनाविरोधात याचिका दाखल केली आहे. तत्पूर्वी फेडरल कोर्टाच्या न्यायाधीशांनी ट्रम्प यांच्या TikTok वर बंदी घालण्याच्या निर्णयाला स्थगिती दिली होती. त्यानंतर आता TikTok नेही ट्रम्प यांच्या निर्णयाविरोधात न्यायालयात दाद मागितली आहे.
