टोकियो (वृत्तसंस्था) भारताची अव्वल तिरंदाज दीपिका कुमारी हिने आज टोकियो ऑलिम्पिकमधील महिला एकेरी गटात ऐतिहासिक कामगिरी केली आहे. दीपिका कुमारी हिने माजी विश्वविजेती रशियन ऑलिम्पिक समितीची तिरंदाज सेनिया पेरोव्हा हिचा रोमांचक ‘शूट ऑफ’मध्ये पराभव करत महिला एकेरीच्या उपांत्यपूर्व फेरीत प्रवेश केला आहे.
दीपिकानं पहिला सेट २८-२५ नं जिंकला. तर दुसरा सेट २६-२७ नं गमावला. त्यानंतर दीपिकानं पुनरागमन करत २८-२७ या फरकानं दुसरा सेट जिंकला. त्यानंतर चौथा सेट २६-२६ असा बरोबरीत सुटला. पाचव्या सेटमध्ये दीपिकाचा २५-२८ ने पराभूत झाली. पाच सेटनंतरही हा सामना बरोबरीत सुटल्यानं निकाल शूट ऑफमध्ये लागला. शूट ऑफमध्ये सेनियानं सात पॉईंट्स घेतले. तर दीपिकानं परफेक्ट १० पॉईंट्सची कमाई करत क्वार्टर फायनलमध्ये प्रवेश केला.
यापूर्वी दीपिकाची राऊंड १६ मधील लढत देखील जोरदार रंगली होती. अमेरिकेची जेनफिर मुसीनो-फर्नांडिसचा दीपिकानं रंगतदार लढतीमध्ये पराभव केला. दीपिकानं जेनफिरचा ६-४ असा पराभव केला. दीपिका ही भारताची अव्वल तिरंदाज असून तिच्याकडून यंदा मेडलची अपेक्षा आहे.
