अमळनेर (प्रतिनिधी) :- येथील तालुकास्तरीय खो खो क्रीडा स्पर्धेत जी एस.हायस्कूल च्या मुलांच्या संघाने दणदणीत विजय मिळविला असून त्यांची जिल्हास्तरावर निवड झाली आहे. तालुक्यातील रणाईचे येथील अनुदानित माध्यमिक आश्रमशाळेत तालुकास्तरीय शालेय खो खो स्पर्धांचे आयोजन करण्यात आले होते.खासदार स्मिता वाघ, माजी जिल्हा परिषद सदस्या जयश्री पाटील, गटशिक्षणाधिकारी कविता सुर्वे यांच्या उपस्थितीत उद्घाटन करण्यात आले.
मुलांच्या खो-खो स्पर्धेमध्ये १७ वर्षा आतील गटात अतिशय चुरशीच्या अंतिम सामन्यात ६- १ अशा फरकाने जी.एस.हायस्कूल ने ग्लोबल स्कूल चा पराभव करुन विजय मिळविला.जी एस हायस्कूलच्या संघाची जिल्हा स्तरीय स्पर्धेसाठी साठी निवड झाली.तसेच १४ वर्षा आतील संघाने देखील सेमी फ़ायनल पर्यंत मजल मारली.
या दोन्ही विजयी संघांचे शाळेचे चेअरमन हरी भिका वाणी शाळेचे मुख्याध्यापक व्ही.एम.पाटील, उप मुख्याध्यापक सी.एस.सोनजे,संस्थेचे शिक्षक प्रतिनिधी राहुल पाटील,प्रशांत काटकर,आर.जे.पाटील यानी अभिनंदन केले.विद्यार्थ्यांना क्रीडा शिक्षक के.आर.बाविस्कर जे.व्ही.बाविस्कर,के.डी.साळुंखे यांचे मार्गदर्शन लाभले.
