टोकयो (वृत्तसंस्था) टोकयो ऑलिम्पिकमध्ये भारताला आणकी एक पदक मिळालं आहे. मीराबाई चानूनंतर बॅडमिंटनपटू पीव्ही सिंधूला या ऑलिम्पिकमध्ये ब्रॉन्झ मेडल मिळालं आहे. सिंधूने चीनच्या बिंग जियाओचा दोन सरळ सेटमध्ये २१-१३, २१-१५ ने पराभव केला. पी.व्ही सिंधू लागोपाठ दोन ऑलिम्पिकमध्ये मेडल जिंकणारी पहिली भारतीय महिला तसंच दुसरी भारतीय खेळाडू ठरली आहे.
काल (३१ जुलै) झालेल्या उपांत्य फेरीतील लढतीत सिंधूचा पराभव झाला होता. त्यामुळे सुवर्णपदकाची संधी हुकली होती. पण आज सिंधूने निराश केले नाही.
पहिल्या गेममध्ये सिंधूने ११-८ अशी आघाडी घेतली होती. पहिल्या गेममध्ये सिंधूने बिंग जिओला संधी दिली नाही आणि आघाडी कायम ठेवली. पहिला गेम २१-१३ असा जिंकला. दुसऱ्या गेममध्ये देखील सिंधूने ११-८ अशी आघाडी घेतील आणि गेम देखील २१-१५ असा जिंकून कास्य पदक जिंकले.
सिंधूचा प्रवास
टोकियो ऑलिम्पिकमध्ये पहिल्या फेरीत सिंधूने इस्त्रायलच्या पोलिकार्पोवाचा २१-७, २१-१० असा पराभव केला होता. राउंड ३२ मधील लढतीत सिंधूने हाँगकाँगच्या एनवाई चेयुंगवर २१-९, २१-१६ असा विजय मिळवला. तर उप उपांत्यपूर्व फेरीत डेन्मार्कच्या मिया ब्लिचफेल्ट २१-१५, २१-१३ असा पराभव केला. त्यानंतर काल (३० जुलै) झालेल्या उपांत्यपूर्व फेरीत सिंधूने जगातिक क्रमांक चारच्या जपानच्या अकेन यामागुचीवर २१-१३, २२-२० असा विजय मिळवला आणि उपांत्य फेरीत प्रवेश केला होता. पण उपांत्य फेरीत चायनीज तैपईच्या ताइ त्झू यिंगने तिचा पराभव केला.
