वॉशिंग्टन (वृत्तसंस्था) अमेरिकेत राष्ट्रपती निवडणुकीनंतर ज्याची भीती होती तेच घडले. येथे बुधवारी जो बायडन यांच्या विजयावर शिक्कामोर्तब करण्यासाठी संसदेचे दोन्ही सभागृह एकत्र आले. मतमोजणी दरम्यान अध्यक्ष डोनाल्ड ट्रम्प यांचे शेकडो समर्थक संसद भवन (कॅपिटल हिल) मध्ये घुसले. यावेळी गोळीबार देखील झाला आणि एका महिलेचा मृत्यू झाला.
अमेरिकेच्या राष्ट्रध्यक्षपदाच्या निवडणुकीच्या अंतिम निकालानंतर देखील गदारोळ सुरूच आहे. डोनाल्ड ट्रम्प यांच्या समर्थकांनी व्हाइट हाऊस आणि संसद भवनात मोठा गदारोळ सुरू केला. या गोंधळादरम्यान झालेल्या गोळीबारात एक महिलेचा मृत्यू झाला आहे. दरम्यान या गोंधळानंतर वॉशिंग्टनमध्ये कर्फ्यू लावण्यात आला आहे. गुरुवारी अमेरिकन काँग्रेसमधील इलेक्टोरल कॉलेजबद्दलच्या बैठकीपूर्वी डोनाल्ड ट्रम्प यांच्या समर्थकांनी गदारोळ केला. ट्रम्प समर्थकांच्या गदारोळ आणि हिंसाचारामुळे परिस्थिती बिघडली आणि वॉशिंग्टन डीसीमध्ये कर्फ्यू लावण्यात आला. या गोंधळाच्या वेळी ट्रम्प समर्थक आणि पोलीस यांच्यात बाचाबाची आणि मारहाण झाली. त्यामध्ये अनेक लोक जखमी झाली तर एका महिलेला गोळी लागून तिचा मृत्यू झाला आहे. जो बायडन यांच्या विजयावर शिक्कमोर्तब करण्यावर अमेरिकेतील काही नागरिक आणि ट्रम्प समर्थकांचा विरोध असून निषेध व्यक्त करण्यात आला.
बुधवारी इलेक्ट्रॉल कॉलेजच्या मतांची मोजणी आणि बायडेन यांच्या विजयावर शिक्कामोर्तब करण्यासाठी संसदेच्या दोन्ही सभागृह सीनेट आणि HOR ची बैठक सुरु झाली. यादरम्यान ट्रम्प आणि रिपब्लिकन पार्टीचे शेकडो समर्थक संसदेच्या बाहेर जमा झाले. नॅशनल गार्ड्स आणि पोलिस त्यांना समजावून सांगण्यापूर्वी काही लोक आत शिरले. मोठ्या प्रमाणात तोड़फोड आणि हिंसा झाली. यादरम्यान गोळीबारही झाला. मात्र ही गोळी कोणी आणि का झाडली हे अद्याप समजू शकले नाही. मात्र यात एका महिलेचा मृत्यू झाला.
ट्रम्प समर्थकांनी मोठ्या प्रमाणात संसद भवन आणि व्हाइट हाऊसमध्ये तोडफोड केली असून तुफान राडा घातला आहे. या गोंधळदरम्यान डोनाल्ड ट्रम्प यांनी समर्थकांना संबोधित केलं होतं त्याचा व्हिडीओ युट्यूब, फेसबुक आणि ट्वीटरवरून देखील हटवण्यात आल्याची माहिती मिळाली आहे. संसद भवनावर हल्ला करणारे राजद्रोही आहेत. लोकशाहीला वाचवण्यासाठी चांगल्या लोकांची आवश्यकता असल्याचं ट्वीट देखील जो बायडन यांनी केलं आहे. दुसरीकडे डोनाल्ड ट्रम्प यांचं अकाऊंट १२ तासांसाठी ट्वीटरनं लॉक केलं आहे. त्यांनी केलेले तीन ट्वीट हटवण्यात आल्याची माहिती मिळाली आहे.
