चाळीसगाव (प्रतिनिधी) तालुक्यातील शिरसगाव येथे दोन धाडसी घरफोडी करत अज्ञात चोरट्यांनी पाच लाखाच्या रोकडसह सोन्याचे दागिने लंपास केल्याची घटना उघडकीस आली आहे. या चोरीमुळे गावातील नागरिकांमध्ये भीती पसरली आहे. (crime news chalisgaon)
चाळीसगाव तालुक्यातील शिरसगाव येथील दोघा बंद घरांमधे मिळून एकुण 5 लाख 40 हजार रुपयांचा मुद्देमाल अज्ञात चोरट्यांनी 22 ते 24 डिसेंबरच्या कालावधीत चोरुन नेला आहे. शिरसगाव येथील विजय केशवराव चव्हाण आणि नंदलाल नामदेव शेवाळे या दोघांच्या बंद घर चोरट्यांनी फोडले. या घटनेत विजय चव्हाण यांच्या बंद घरातून 20 हजार रुपये किमतीच्या प्रत्येकी अर्धा ग्रॅम वजनाच्या एकुण दहा अंगठ्या, 9 हजार रुपये किमतीचा 2 ग्रॅम वजनाचा सोन्याचा शिक्का, 1 हजार रुपये किमतीचे दोन चांदीचे देव, 10 हजार रुपये किमतीच्या 25 साड्या आणि नंदलाल शेवाळे यांच्या घरातून 5 लाख रुपयाची रोकड असा एकूण ऐवज चोरी झाला आहे.
याप्रकरणी अज्ञात चोरट्यांविरुद्ध मेहुणबारे पोलिस स्टेशनला गु.र.न. 280/22 भा.द.वि. 454, 457,380 नुसार घरफोडीचा गुन्हा दाखल करण्यात आला असून पुढील तपास सहायक पोलिस निरीक्षक विष्णु आव्हाड हे करीत आहेत.
