मुंबई – कोरोना विषाणूचा प्रादुर्भाव पुन्हा एकदा वाढला असून, आता चित्रपटसृष्टीतील कलाकारांच्या घरातही या विषाणूने शिरकाव केला आहे. गेल्या काही दिवसांपूर्वी बॉलिवूडचे महानायक ‘अमिताभ बच्चन’ आणि त्यांचा मुलगा अभिनेता ‘अभिषेक बच्चन’ यांना कोरोनाची लागण झाली होती.
अश्यातच आता अभिनेता ‘सलमान खान’च्या ड्रायव्हरसह दोन स्टाफला कोरोनाची लागण झाल्याचे समोर आले आहे. त्यामुळे सलमान खानने स्वतःला आयसोलेटेड केले आहे. सलमान सध्या कलर्सवरील लोकप्रिय ‘बिग बॉस-१४’ शो होस्ट करत आहे. त्यामुळे अशा परिस्थितीत आता सलमान ‘बिग बॉस-१४’ मध्ये होस्टिंग करणार का?, असा प्रश्न उपस्थित होत आहे.
दरम्यान अलीकडेच सलमान खानचा ‘राधे’ चित्रपटाच्या शूटिंगला सुरुवात झाली होती. या चित्रपटात सलमान खानसोबत अभिनेत्री दिशा पटानी दिसणार आहे. अद्याप तरी कोरोना कहर कायम आहे. कोरोनाचा धोका हा फक्त मनोरंजन क्षेत्रावर नाही तर पूर्ण देशावर आहे.
