पारोळा (प्रतिनिधी) – शहरातील सुदर्शन नगरमधील सुनील अशोक पाटील यांनी २१ ऑगस्टला दुपारी १ ते सायंकाळी ७ वाजेदरम्यान आपली – ग्रे रंगाची होंडा कंपनीची शाईन दुचाकी पारोळा नगरपालिके जवळ – उभी केली होती. काम आटोपून ते परत आले असता त्यांची – दुचाकी चोरी झाल्याचे स्पष्ट झाले. या संदर्भात सुनील पाटील यांनी ३५ हजाराची दुचाकी चोरून नेल्याप्रकरणी २ सप्टेंबरला पारोळा पोलिस ठाण्यात अज्ञात चोरट्याविरुद्ध गुन्हा दाखल केला आहे.
दरम्यान, पालिका परिसरात सीसीटीव्ही कॅमेऱ्यात दुचाकी घेऊन जाणारा संशयित कैद झाला आहे. सीसीटीव्ही फुटेजच्या आधारे चोरट्याची ओळख पटवून त्याला लवकरच ताब्यात घेण्याचे आव्हान पोलिसांसमोर उभे राहिले आहे. पो.नि. दीपक पाटील यांच्या मार्गदर्शनात पो.उ.नि. सुनील पवार तपास करत आहेत.
