जयपूर (वृत्तसंस्था) राजस्थानमधील जयपूरच्या चाकसू येथे मोठा अपघात झाला. येथे बायपासवर ट्रक आणि एका व्हॅनची जोरदार धडक झाली. या अपघातात ६ जणांचा जागीच मृत्यू झाला आहे. तर ५ जण जखमी आहे. सर्व तरुण बारन जिल्ह्यातील विविध भागातील असून रीटची परीक्षा देण्यासाठी व्हॅनमधून जात होते.
शनिवारी सकाळी जयपूरच्या चाकसू येथे एनएच-१२ निमोदिया वळणावर ट्रक आणि व्हॅन यांच्यात झालेल्या धडकेत ६ जणांचा मृत्यू झाला असून ५ जण जखमी झाले आहेत. जखमींना चाकसू येथील सॅटेलाईट रुग्णालयात दाखल करण्यात आले आहे. ठार झालेले सर्वजण व्हॅनमध्ये होते. यामध्ये व्हॅन चालकाचा समावेश आहे. उर्वरित पाच जण बारन जिल्ह्यातील कवई पोलीस स्टेशन परिसरातील गौरधनपुरा नयापुरा येथील रहिवासी असल्याचे सांगितले जाते, जे रीटची परीक्षा देण्यासाठी सीकरला जात होते. व्हॅनमध्ये सुमारे ११ लोक होते.
या ६ लोकांचा मृत्यू झाला
१. विष्णू नागर, रहिवासी बडोद बारा
२. तेजराज उर्फ राजेंद्र मेघवाल, कासमपुरा बारन येथील रहिवासी
३. सत्यनारायण, गोवर्धनपूर सालपुरा बारन येथील रहिवासी
४. वेद प्रकाश, रहिवासी हनुमंत खेरी गुजरान
५. सुरेश, गोवर्धनपूर कवई सालपुरा येथील रहिवासी
६. दिलीप मेहता, रहिवासी गोवर्धनपूर कवई सालपुरा
