जळगाव (प्रतिनिधी) भाजपाचे नेते तथा केंद्रीय गृहमंत्री अमित शाह गुरुवारी युवा संमेलनाच्या निमिताने जळगाव जिल्हा दौऱ्यावर येणार आहेत. दरम्यान, शाह यांच्या दौऱ्यात जळगाव जिल्ह्यातील अनेक मोठे राजकीय नेते, पदाधिकारी यांचा भाजप प्रवेश होणार असल्याचीही चर्चा आहे.
अमित शाह यांच्या उपस्थितीत जळगावात युवा संमेलनाचे आयोजन करण्यात आले आहे. त्यांच्या दौऱ्याच्या नियोजनासाठी रविवारी जामनेरात बैठकीचे आयोजन करण्यात आले असल्याची माहिती माहिती ग्राम विकास मंत्री गिरीश महाजन यांनी एका दैनिका सोबत बोलतांना दिली. अमित शहा जळगावसह अकोला व छत्रपती संभाजीनगर या ठिकाणी देखील विविध कार्यक्रमांना हजेरी लावणार आहेत. अमित शाह हे युवा संमेलनातून जळगाव युवकांशी संवाद साधणार आहेत. अमित शाह यांचा दौरा, तसेच संमेलनाच्या नियोजनासाठी रविवारी जामनेरात महत्वाची बैठक आयोजित करण्यात आली आहे.
