धरणगाव (प्रतिनिधी) येथील विक्रम ग्रंथालयात श्री धन्वंतरी जयंती निमित्त धन्वंतरी आक्ज पूजन करण्यात आले. या कार्यक्रमात तरुण व्यावसायिक योगतज्ञ ज्ञानेशवरभाऊ चौधरी यांच्या हस्ते पूजन करण्यात आले. तर रुग्णवाहिकेचे चालक नानभाऊ बागुल, प्रकाश मराठे व स्वच्छतादूत राजाभाऊ करोसिया हे प्रमुख अतिथी म्हणून उपस्थित होते.
धन्वंतरी हे आरोग्याचे दैवत असून डॉक्टर इतकेच मोलाचे योगदान हे स्वच्छतादूत करत असतात , तसेच यौगिक जीवनशैली आत्मसात करून आपण चांगले आरोग्य प्राप्त करू शकतो याचमुळे योगतज्ञ यांचे मार्गदर्शन अतिशय महत्वपूर्ण असते , तसेच जर रुग्णास तात्काळ गरज पडल्यास ग्रामीण भागातून शहरातील तज्ञ डॉक्टरकडे वेळेवर पोचवण्यासाठी सदैव तत्पर असलेले रुग्णवाहिकेचे चालक हे सुद्धा आरोग्य व्यवस्थेचा कणा आहेत असे प्रतिपादन डॉ पुष्कर महाजन यांनी प्रास्ताविकात केले. या कार्यक्रमात रा स्व संघाचे तालुका संघचालक श्री मोहन चौधरी सर यांनी दैनंदिन आरोग्य व संघ परिवाराचा त्या बाबतीत असणारा सेवाभावी दृष्टिकोन यांवर प्रकाश टाकला, शेवटी आभार प्रदर्शन डॉ पंकज अमृतकर यांनी मानले.
या अनोख्या कार्यक्रमात शहरातील नामवंत डॉ शैलेश सूर्यवंशी, डॉ चेतन भावसार, डॉ सुचित जैन, डॉ मनोज अमृतकर, डॉ अक्षय भावे, डॉ जितेंद्र पाटील, डॉ चेतन पाटील तसेच लॅबोरेटरी चालक श्री नरेंद्र पाटील व श्री धनराज देवरे उपस्थित होते. अनेक सामाजिक क्ष्रेत्रातील मान्यवर माजी नगरसेवक कैलास माळी सर, भाजप ओबीसी सेल तालुकाध्यक्ष संजयभाऊ महाजन, समरसता मंच तालुका निमंत्रक नानभाऊ लांबोळे, तालुका कार्यवाह दिनेशजी पाटील, शहरकार्यवाह शिवाजी अप्पा चौधरी, ज्येष्ठ स्वयंसेवक श्री दीपक उपासनी, मंदारजी चौधरी , मुख्याध्यापक एस एस पाटील सर, सचिन बागुल,समाधान धनगर, इच्छेश काबरा उपस्थित होते. कार्यक्रमाच्या पूर्णत्वासाठी नितेशजी महाजन, निलेश वाणी, भगवान कुंभार यांनी प्रयत्न केले.
