चोपडा (प्रतिनिधी) कृषी उत्पन्न बाजार समितीत आमदार लताताई सोनवणे यांच्या विशेष उपस्थितीत विविध विकास कार्यक्रम पार पडले.
आज आमदार लताताई सोनवणे यांच्या शुभहस्ते विविध योजनेचे शुभारंभ करण्यात आला. यावेळी सर्वप्रथम कृषी उत्पन्न बाजार समितीच्या आवारात वृक्षारोपण करण्यात आले. तसेच निवडणुकीच्या वेळेस आश्वासन दिलेल्या प्रमाणे शुद्ध पिण्याच्या पाण्याच्या आरो फिल्टर व वॉटर कुलर बसविण्यात आले. येथील हमाल मापाडी बांधवांसाठी आरोग्य शिबिर घेण्यात आले. यात अनेकांनी आपली आरोग्य तपासणी करून घेतली. याचवेळी हमाल-मापाडीच्या विद्यार्थ्यांसाठी शैक्षणिक साहित्य व वह्या वाटप करण्यात आले.
यावेळी कृषी उत्पन्न बाजार समितीचे सभापती नरेंद्र पाटील, उपसभापती विनायक पाटील, संचालक अॅड. घनश्यामअण्णा पाटील, नितीन पाटील, सुकलाल कोळी, किरण देवराज, नंदकिशोर पाटील, रोहित निकम, संजय शिरसाट यांच्यासह व्यापारी बांधव हजर होते. कृषी उत्पन्न बाजार समितीत व्यापारी महामंडळाकडून आमदार लताताई सोनवणे यांच्या सत्कार करण्यात आला. तर कृषी उत्पन्न बाजार समितीतर्फे नरेंद्र पाटील यांनी आमदार सोनवणे यांचा सत्कार केला.
यावेळी नरेंद्र पाटील बोलताना सांगितले की, आम्ही निवडणुकीच्या वेळेस माजी आमदार चंद्रकांत सोनवणे यांच्या आशीर्वादाने आम्ही जी जी आश्वासने दिली होती. ती पूर्ण करण्यास कटिबद्ध आहोत. यासाठी आज आमदारांच्या शुभ हस्तेशुद्ध पिण्याच्या पाण्याच्या आरो फिल्टर व वॉटर कुलर बसविले आहे. खेड्यापाड्यावरून शेतकरी मोठ्या प्रमाणावर येत असतात. यांच्यासाठी वॉटर कुलर हे उपयुक्त ठरणार असल्याचे देखील श्री. पाटील म्हणाले. तसेच दिवस-रात्र राबणाऱ्या हमाल मापाड्यांसाठी त्यांच्या शरीराची चाचणी व्हावी, यासाठी आरोग्य शिबिर घेण्यात आले. यासाठी उपजिल्हा रुग्णालयाच्या डॉक्टरांची टीमने सहकार्य केले.
