मुंबई प्रतिनिधी । ज्येष्ठ अभिनेत्री आशालता बावगावकर यांना करोनाची लागण झाली असून त्यांना तातडीने इस्पितळात भरती करण्यात आलं आहे.
काळूबाईच्या नावाने चांगभलं या मालिकेच्या चित्रीकरणादरम्यान त्यांना करोनाची लागण झाली. फक्त आशालता यांनाच नाही तर काळूबाईच्या सेटवर काम करणाऱ्या २७ जणांना करोनाची लागण झाली आहे. विशेष म्हणजे मालिकेच्या चित्रीकरणासाठी मुंबईवरून एक डान्स ग्रुप बोलावण्यात आला होता. यांच्यामार्फत करोनाची लागण झाल्याचं सध्या म्हटलं जात आहे. सोमवारी अचानक त्यांची प्रकृती खालावली गेली. यामुळे त्यांना इस्पितळात भरती करण्यात आले. सध्या त्यांची प्रकृती चिंताजनक असून त्यांना व्हेंटिलेटरवर ठेवण्यात आलं आहे.
