जळगाव (प्रतिनिधी) २०२१ मधील १२ वी निकालाचे प्रमाणपत्र व बोर्ड सर्टीफिकेट वरील आईचे नाव दुरुस्ती करून देण्याच्या मोबदल्यात सोयगाव तालुक्यातील कविवर्य श्री.ना.धो.महानोर माध्यमिक व उच्च माध्यमिक विद्यालयाचे मुख्यध्यापकाला एक हजार रुपयाची लाच स्वीकारताना लाचलुचपत प्रतिबंधक विभागाच्या पथकाने रंगेहात अटक केली आहे.
यासंदर्भात अधिक असे की, तक्रारदार यांचा मुलगा हा कविवर्य श्री.ना.धो.महानोर माध्यमिक व उच्च माध्यमिक विद्यालय, वडगाव ता.सोयगाव जि.औरंगाबाद येथुन सन-२०२१ मध्ये इयत्ता-१२ वी या वर्गाची परीक्षा उत्तीर्ण झालेला होता. सदर निकालाचे प्रमाणपत्र व बोर्ड सर्टीफिकेट वरती मुलाच्या आईचे नाव चुकीचे असल्याने सदर दोन्ही प्रमाणपत्रांवरील नाव दुरुस्ती करून आणुन देण्याच्या मोबदल्यात तक्रारदारकडे शाळेचे मुख्याध्यापक राजेंद्र भास्कर पाटील (वय ५०) यांनी पंचासमक्ष 1,000 रुपये लाचेची मागणी केली. तसेच सदर लाचेची रक्कम राजेंद्र पाटील यांनी स्वतःच्या घरी स्वीकारत असतानाच लाचलुचपत प्रतिबंधक विभागाच्या पथकाने रंगेहात अटक केली आहे.
यांनी केली कारवाई
ही कारवाई लाचलुचपत प्रतिबंधक विभागाचे पोलीस अधीक्षक सुनील कडासने, अप्पर पोलीस अधीक्षक एन.एस.न्याहळदे, पोलीस उप अधीक्षक सतीश डी.भामरे यांच्या मार्गदर्शनाखाली अँन्टी करप्शन ब्युरोचे पोलीस उप अधीक्षक शशिकांत एस.पाटील, PI.संजोग बच्छाव, PI.एन.एन.जाधव स.फौ.दिनेशसिंग पाटील, स.फौ.सुरेश पाटील, पो.हे.कॉ.अशोक अहीरे, पो.हे.कॉ.सुनिल पाटील, पो.हे.कॉ.रविंद्र घुगे, म.पो.हे.कॉ. शैला धनगर, पो.ना.मनोज जोशी, पो.ना.जनार्धन चौधरी, पो.ना.सुनिल शिरसाठ, पो.कॉ.प्रविण पाटील, पो.कॉ.महेश सोमवंशी, पो.कॉ.नासिर देशमुख, पो.कॉ.ईश्वर धनगर पो.कॉ.प्रदिप पोळ यांनी केली आहे.
