लंडन (वृत्तसंस्था) एका महिलेमध्ये प्रेग्नन्सीची कोणतीच लक्षणं दिसली नाही. तिचं बेबी बम्पही आलं नाही. पण रात्री तिच्या पोटात वेदना सुरू झाल्या आणि अचानक सकाळी तिने एका बाळाला जन्म दिला. आपण प्रेग्नंट होतो हे या महिलेलाही माहिती नव्हतं. जेव्हा तिची डिलीव्हरी झाली तेव्हा तिला याची माहिती झाली.
यूकेतील वेल्सच्या कार्डिफमध्ये राहणारी 36 वर्षांची निकोल थॉमस. तिच्या पोटात हलक्या वेदना सुरू झाल्या. वेदनांपासून आराम मिळावा म्हणून झोपण्यापूर्वी तिने पॅरासिटामोल घेतली. त्यानंतर घरातील कामही केलं. नंतर ती मुलांना घेऊन बेडवर झोपायला गेली. झोपेतही तिला त्रास होत होता. त्यानंतर मध्यरात्री तीन वाजता तिच्या मुलीला बाथरूमला जायचं होतं म्हणून तिने तिला उठवलं. तेव्हा तिच्या पोटात तीव्र वेदना सुरू झाल्या.
आईची प्रेग्नन्सी मुलगी शॉक झाली
सुरुवातीला तिने पोटावर हात ठेवून वेदना कमी करण्याचा प्रयत्न केला. त्यानंतर पुश केलं. तेव्हा खालून बाळाचं डोकं बाहेर येत असल्याचं दिसलं आणि तिला धक्काच बसला. आपण प्रेग्नंट आहोत, आपलं बाळ जन्माला येणार आहे, हे तिला समजलं. तिने लगेच आपल्या लहान मुलीला आपली 14 वर्षांची मोठी मुलगी एलिसला उठवायला सांगितलं. जेणेकरून डिलीव्हरीत ती मदत करेल. आईची प्रेग्नन्सी पाहून तीसुद्धा शॉक झाली. तोपर्यंत अॅम्ब्युलन्स बोलवण्यात आली होती. बाळाला जन्म देताच तिला लगेच रुग्णालयात नेण्यात आलं. तिची डिलीव्हरी पाहून मेडिकल स्टाफही शॉक झाले. 5 दिवस तिला रुग्णालयात ठेवण्यात आलं. आई आणि बाळ दोघंही सुखरूप आहेत.
