बोदवड (प्रतिनिधी) सात वर्षांचा संसार केल्यानंतर विवाहितेने नवऱ्याला सोडत प्रियकराचा हात धरला. तालुक्यातील एका गावातील माहेर असलेल्या विवाहितेने हा प्रकार केला आहे. या प्रकरणी तिच्या भावानेच पोलिसात बहिण बेपत्ता झाल्याची तक्रार दिली, तर अन्य शहरातील तीस वर्षांची विवाहिता प्रियकरासोबत निघून गेली आहे.
तालुक्यातील एका गावात २७ वर्षांच्या विवाहितेचे माहेर आहे. ती माहेरी आली होती. त्याच काळात सातत्याने गावात येत असलेल्या एका तरुणासोबत तिचे सूत जुळले. तिने कुठलाही विचार न करता त्याच्यासोबत निघून गेली. माहेरी आली असताना ती घरी नाही, हे पाहून तिच्या भावाने शोधाशोध केली. मात्र, तरीही ती सापडली नाही. अखेर तिच्या भावाने पोलिसात तक्रार दिली. पुढील तपास संदीप वानखेडे हे करत होते. तर अन्य एका घटनेत शहरातील ३० वर्षीय महिलेने मुलांचा विचार न करता अशाच पद्धतीने प्रियकराचा हात धरून निघून गेली होती.
