मुंबई (वृत्तसंस्था) मुंबईतील सायनमधून २१ कोटींचं ७ किलो हिरोइन जप्त करण्यात आले आहे. मुंबई क्राईम ब्रांचच्या अमली पदार्थ विरोधी पथकाने मोठी कारवाई केली आहे. मुंबई क्राईम ब्रांचच्या अमली पदार्थ विरोधी पथकाने हिरोइनसह एका महिला ड्रग्स सप्लायरला अटक केली आहे. मुंबईतील ड्रग्स तस्करीचं राजस्थान कनेक्शन उघड झालं आहे.
विशेष म्हणजे गेल्या काही दिवसांत NCB ने मुंबईत अनेक ठिकाणी अंमली पदार्थांची विक्री करणाऱ्या तस्कारांवर कारवाई केली आहे. संबंधित कारवाईत NCBने कोट्यवधी रुपयांचे ड्रग्स जप्त केले आहेत. यानंतर आता मुंबई पोलिसांच्या अँटी नार्कोटिक्स पथकाने सायन परिसरात मोठी कारवाई केली आहे. पोलिसांनी गुप्त माहितीच्या आधारे पाळत ठेवून महिलेला ताब्यात घेतलं आहे. यावेळी पोलिसांनी महिलेची झडती घेतली असता, तिच्याकडे तब्बल ७ किलो हिरोइन सापडलं आहे.
याची बाजारातील किंमत तब्बल २१ कोटी रुपये आहे. पोलिसांनी ड्रग्स तस्कर महिलेला अटक केली असून तिची कसून चौकशी केली जात आहे. तिच्या चौकशीतून अनेक महत्त्वाची माहिती पोलिसांनी मिळाली असून मुंबईतील ड्रग्स तस्करीचं राजस्थान कनेक्शन देखील उघड झालं आहे. या घटनेचा पुढील तपास पोलीस करत आहेत.
