जळगाव (प्रतिनिधी) चॉपरचा धाक दाखवून तरुणाला धमकी देत मारहाण केल्याची घटना ३१ डिसेंबर २०२० रोजी घडली होती. याप्रकरणी चार जणांविरुद्ध गुन्हा दाखल झाला होता. यातील दोन संशयित आरोपींना एमआयडीसी पोलिसांनी मध्यप्रदेशातील शहापूर येथून अटक केली आहे. दोन संशयित आरोपींना दोन दिवसांची पोलीस कोठडी सूनावली आहे.
याबाबत सविस्तर वृत्त असे की, शहरातील गणेशवाडीतील अल्पवयीन तरुणाने काही तरुणांसोबत भांडण झाले होते. हे भांडण मिटवून घेवू असे म्हणत भुषण विजय माळी व पवन बाविस्कर उर्फ बटू यांनी त्या तरुणाला मोटारसायकलवर बसण्यास सांगितले. परंतु तो तरुण येण्यास तयार नसल्याने भूषण माळीने त्या तरुणाला चॉपर दाखवित नाही आला तर तुला चॉपरने मारुन टाकेल अशी धमकी दिली. त्यानंतर भूषण उर्फ भासा विजय माळी, आकाश उर्फ आक्या ब्रो रविंद्र मराठे, पियुष उर्फ वाघ्या मुकूंदा ठाकूर व पवन दिलीप बाविस्कर हे चौघ पुन्हा त्या तरुणाच्या घराजवळ येत आम्ही या एरियाचे दादा आहे तू आमच्या नादी लागू नको तुला महागात पडेल असे म्हणत भूषण माळीने त्याठिकाणी पडलेली फरशी त्या अल्पवयीन तरुणाच्या डोक्यात मारली तर इतर तिघांनी त्याला चापडा बुक्क्यांनी बेदम मारहाण करीत जखमी केले याप्रकरणी चार जणांविरुद्ध एमआयडीसी पोलिसात गुन्हा दाखल झाला होता. गुन्हा दाखल होताच एमआयडीसी पोलिसांनी आकाश रविंद्र मराठे (वय २१) रा. हनुमान मंदिर तुकारामवाडी याला अटक केली असून तो अद्याप न्यायालयीन कोठडीत असून तिघे संशयित आरोपी गुन्हा घडल्यापासून फरार होते. यातील दोन आरोपी मध्यप्रदेशातील शहापूर येथे असल्याची माहिती एमआयडीसी पोलिसांना मिळाली. पोलिस निरीक्षक प्रताप शिकारे यांच्या मार्गदर्शनाखाली पोना मिलींद सोनवणे, सुधीर साळवे व विजय बावस्कर यांनी शहापूर येथून भूषण उर्फ भासा विजय माळी (वय २० रा. हनुमान मंदिर तुकारामवाडी) व पवन दिलीप बाविस्कर (वय २० रा. हनुमान मंदिर तुकारामवाडी) या दोघांना अटक केली असून यातील पियुष उर्फ वाघ्या मुकूंदा ठाकूर हा अद्याप फरार आहे. अटक केलेल्या संशयितांना आज न्यायालयात हजर केले असता त्यांना २ दिवसाची पोलीस कोठडी मिळाली आहे. पुढील तपास अतुल वंजारी, सचिन पाटील हे करीत आहे.
