जळगाव (प्रतिनिधी) भारतीय आणि पाश्चात्य अभिजात संगीताच्या क्षेत्रामध्ये विविध उपक्रमांना प्रोत्साहन देण्यासाठी सिटी इंडिया आणि एनसीपीए यांनी सतत सहयोगाने काम केले आहे.
एनसीपीए सर्व स्तरांवर कलाकारांना पाठिंबा देण्यासाठी अथक मेहनत घेते, तसेचत्‍यांना भारतीय शास्त्रीय संगीत शिकण्यासाठी आणि सराव करण्यासाठी आवश्यक ज्ञान व संसाधने मिळण्‍याची खात्री घेते. हा कार्यक्रम तरुण प्रतिभावान संगीतकार आणि होतकरू कलाकारांना शिष्यवृत्ती प्रदान करणारा उपक्रम आहे.
द नॅशनल सेंटर फॉर द परफॉर्मिंग आर्टस् (एनसीपीए) आणि सिटी इंडिया यांनी सहयोगाने हिंदुस्तानी संगीतामध्‍ये (गायन – खयाल/ध्रुपद, तालवाद्य – तबला/पखवाज) प्रगत शिक्षण देण्‍याच्‍या उद्देशाने वर्ष २०२३-२४ साठी शिष्यवृत्ती अभ्‍यासक्रमाची घोषणा केली आहे.अर्जदारांना अॅडव्‍हान्‍स्ड ट्रेनिंगमधील या शिष्यवृत्तीसाठी 10 जानेवारी २०२३ पूर्वी आपले नाव नोंदविता येईल.अर्ज करण्यासाठी उमेदवाराने आपले अर्ज (सांगितिक शिक्षणाविषयीचा बायो-डेटा) ईमेलद्वारे ncpascholarships@gmail.com या पत्त्यावर पाठवणे अनिवार्य आहे.
अर्जामध्ये उमेदवाराचे नाव, जन्मतारीख, पत्ता, कॉन्टॅक्ट नंबर/पर्यायी कॉन्टॅक्ट नंबर, व्यावसायिक पात्रता, ईमेल आयडी, संगीत शिक्षक/गुरु, एकूण किती वर्षे प्रशिक्षण घेतले आहे याची माहिती तसेच आपली संपादने/बक्षिसे/शिष्यवृत्ती आणि कार्यक्रम इत्यादी विशेषत्वाने नोंदविण्या जोगे तपशील असले पाहिजेत.शॉर्टलिस्ट केल्या गेलेल्या विद्यार्थ्यांना ईमेल किंवा टेलिफोनवरून कळवण्‍यात येईल. फेब्रुवारी २०२३ मध्ये शॉर्टलिस्ट केलेल्या निवडक उमेदवारांची व्हिडिओ रेकॉर्डिंगच्या आधारे ऑडिशन घेतली जाईल. एनसीपीएच्या निवड समितीचा निर्णय अंतिम असेल. अधिक माहितीसाठी कृपया एनसीपीएची वेबसाइटhttps://ncpamumbai.com/येथे भेट द्या.
