बोदवड(प्रतिनिधी) तालुक्यातील नाडगाव येथील १९ वर्षीय युवकाने घराला लागून असलेल्या शेडमध्ये छताला दोरीच्या साह्याने गळफ़ास घेत आत्महत्या केली. परमेश्वर गजेंद्र पाटील असे आत्महत्या केलेल्या तरुणाचे नाव आहे.
दि.१३ रोजी पहाटे २ वाजेच्या अगोदर नैराश्याच्या भरात परमेश्वरने आपल्या घराला लागून असलेल्या गु्रांसाठी कुट्टी ठेवलेल्या शेडमध्ये छताला दोरीच्या साह्याने गळफ़ास घेत आत्महत्या केली. त्याच्या पश्चात आई-वडील १ भाऊ १ बहीण असा परिवार असून मयत घरातील सर्वात लहान असल्याने परिवारातील लाडका होता. आत्महत्येचे नेमके कारण समजू शकले नाही. याबाबत जितेंद्र बाबुराव पाटील यांच्या खबरीवरून बोदवड पोलीस स्टेशनला अकस्मात मृत्यूची नोंद करण्यात आहे.
