मुक्ताईनगर (प्रतिनिधी) येथील शनि मंदिराच्या मागे एका घरातून रोख रक्कमेसह दोन मोबाईल आणि मोटार सायकल लांबाविल्याची घटना उघडकीस आली आहे. याप्रकरणी मुक्ताईनगर पोलिस ठाण्यात कादरसा अल्लापीछे याच्याविरुद्ध गुन्हा दाखल करण्यात आला आहे.
यासंदर्भात ईनायत अली मोहम्मद अली सय्यद (वय ४६, रा. के. पूथुर तहसील निलकोटे जि. दिंडिगुल तामिळनाडू ह. मु. शनि मंदिराच्या मागे मुक्ताईनगर) यांनी दिलेल्या फिर्यादीनुसार, दि. ३ मार्च २०२२ रोजी कादरसा अल्लापीछे (रा. पुथुर कोथुर जि. दिंडिगुल तामिळनाडू) याने ८७ हजार रुपये रोख रक्कम, १० हजार रुपये किंमतीचा रिअल मी २५ K विक्री करिता आणलेला मोबाईल, १० हजार रुपये किंमतीचा रेडमी ९A, १५ हजार रुपये किंमतीची बजाज बॉक्सर मोटार सायकल (MH १९, १६३७), असा एकूण १ लाख २२ हजार रुपये किंमतीचा मुद्देमाल लबाडीच्या इराद्याने चोरुन नेला. याप्रकरणी मुक्ताईनगर पोलिस ठाण्यात कादरसा अल्लापीछे याच्याविरुद्ध गुन्हा दाखल करण्यात आला आहे. पुढील तपास पोहेकाँ शैलेश चव्हाण करीत आहेत.
