चाळीसगाव (प्रतिनिधी) चाळीसगाव ही शहिदांची भूमी आहे. देशसेवा करत असताना वीरगतीला प्राप्त झालेल्या जवानांच्या प्रति कृतज्ञता म्हणून आमदार मंगेश चव्हाण यांनी यावर्षीची दिवाळी शहीद जवानांच्या कुटुंबियांसोबत साजरी केली. आमदार चव्हाण यांच्याहस्ते साडी-कपडे, मिठाई, फराळ व फटाके आदींची किट शहीद कुटुंबाना भेट म्हणून देण्यात आली तसेच त्यांची आस्थेवाईकपणे चौकशी करून सर्व चाळीसगांव तालुका तुमच्या सोबत आहे, काहीही अडचण आली तर कुटुंबातील सदस्य समजून मला कळवा असेही आमदार चव्हाण यांनी सांगितले. शहीद जवान यांच्या कुटुंबियांसोबत दिवाळी साजरी करण्याच्या आमदार चव्हाण यांच्या उपक्रमाचे सर्व स्तरातून कौतुक होत आहे.
या शहीद जवान कुटुंबियांच्या घरी आमदारांनी साधला संवाद
आमदार मंगेश चव्हाण यांनी शहीद यश देशमुख (पिंपळगाव), शहीद अरुणकुमार जाधव व शहीद सागर धनगर (तांबोळे) शहीद संभाजी पानसरे (शिंदी), शहीद अमित पाटील (वाकडी) यांच्या घरी भेट दिली व कौटुंबिक संवाद साधला. तसेच तालुक्यातील इतर शहीद जवान यांच्या घरी आमदार मंगेश चव्हाण यांच्या कार्यालयामार्फत भाजपा पदाधिकारी यांच्या हस्ते भेटवस्तू पाठविण्यात आल्या आहेत.
