जळगाव प्रतिनिधी । अभिनेत्री कंगना रानावत हिला मुंबईने मोठे केले, नावलौकिक दिला, देशभरात स्वत:ची ओळख करुन दिली त्या मुंबईला पाक व्याप्त काश्मिरची उपमा देणे म्हणजेच समस्त मुंबईकरांसह महाराष्ट्रातील जनतेचा अपमान करण्यासारखे आहे. त्यामुळे अभिनेत्री कंगनावर कठोर कारवाई करण्यात यावी, अशी मागणी फारुक शेख अब्दुल्ला यांनी जिल्हापेठ पोलिस निरीक्षक यांच्याकडे निवेदनाद्वारे केली आहे.
निवेदनात नमुद केल्यानुसार, पद्मश्री पुरस्कार अभिनेत्री कंगना रानावत हिने महाराष्ट्र राज्य व विशेषत: मुंबईला पाक व्याप्त काश्मिरभास आहे असे वक्तव्य केले. तसेख मुंबई पोलिसांची कामगिरीबाबत जगभरात एक वेगळी ओळख आहे. त्यांच्यावरही बेछुट आरोप करणे व ते आरोप मुंबई पोलिसांवर नसून सर्व पोलिस बांधवांसह मुलांची बदनामी करण्यासारखे आहे. माझ्या कुटूंबात वडिलांनी ४० वर्ष पोलिस दलात सेवा दिली माझे भाऊही पोलिस दलात होते. मी देखील पोलिस मुख्यालयात आहे. मात्र कंगनाच्या विधानामुळे संयुक्त महाराष्ट्रासाठी मुंबईसाठीच्या १०८ हुतात्म्यांना बलिदान द्यावे लागले, त्यांचा सुद्धा अपमान रानावत हिने केला. त्यामुळे तिच्याविरुद्ध भारतीय दंड विधान कायद्याप्रमाणे कठोर कारवाई करण्यात यावी, अशी मागणी फारुक शेख अब्दुल्ला यांनी केली आहे.
