जळगाव प्रतिनिधी । तालुक्यातील कानळदा येथील जिल्हा परिषदेच्या प्राथमिक शाळेत शिक्षक दिनानिमित्त ५ सप्टेंबरला कर्तव्य गृपतर्फे शिक्षकांचा गुणगौरव सन्मान सोहळा आयोजित करण्यात आला होता.
कानळदा येथे जि.प.प्राथ. मराठी मुलांची शाळा व मुलींची शाळा येथील शिक्षकांचा अनोख्या पद्धतीने कर्तव्य ग्रुप कानळदा यांच्यामार्फत सन्मान करून शिक्षक दिन साजरा करण्यात आला. कानळदा येथील गावकरी यांच्यावतीने कर्तव्य ग्रुप कानळदा यांच्या वतीने सर्व शिक्षकांना मास्कचे वाटप करण्यात आले. सर्वार्ंना सॅनेटाईज करण्यात आले. सोशल डिस्टनसिंग पाळून डॉ. सर्वपल्ली राधाकृष्णन यांच्या प्रतिमेस पुष्पहार घालून प्रतिमा पूजन करण्यात आले. त्यानंतर सर्व शिक्षकांवर पुष्पवर्षा करून वैयक्तिकरित्या औक्षण करण्यात आले. सर्व शिक्षकांना ओवाळून नारळ फोडण्यात आले. शिक्षक दिनानिमित्त एक उदात्त भाव मनी ठेवून सर्व शिक्षकांना त्यांनी केलेल्या सेवेची पावती म्हणून कर्त्यव्य ग्रुप कानळदा यांच्यामार्फत सर्व शिक्षकांना सन्मानपत्र व पुष्पगुच्छ देऊन सन्मानित करण्यात आले. शिक्षक आपली पूर्ण सेवा विद्यार्थी घडविण्यासोबत इतर सर्व कार्यामध्ये सहभागी होतात. कोविड-१९ सारख्या महामारीमध्ये सुद्धा विद्यार्थ्यांना ऑनलाईन व ऑफलाईन शिक्षण देत आहे. शिक्षण आपल्या दारी हा उपक्रम राबवून शिक्षणाचे कार्य अखंडित चालू ठेवत आहे. डॉ सर्वपल्ली राधाकृष्णन यांच्या कार्याविषयी माहिती देऊन सुत्रसंचालनाची जबाबदारी विनोद सपकाळे (शा.व्य.समिती अध्यक्ष) यांनी चोखपणे बजावली. अनोख्या पद्धतीने झालेला सन्मानने भारावून गेल्याचे तसेच न भूतो न भविष्यती असा सोहळा पहावयास मिळाला, असे मनोगत संदिप पाटील व छाया पवार यांच्यासह इतर शिक्षकांनी व्यक्त केले. शिक्षकांनी केलेल्या कार्याचा सन्मान झाला पाहिजे. फक्त शिक्षकच विद्यार्थ्यांना तसेच सर्व समाजाला योग्य दिशा देऊ शकतात असे मत पुंडलिक सपकाळे यांनी व्यक्त केले.
यावेळी जि. प. प्राथ मराठी मुलांची शाळा येथे शिक्षक म्हणून सेवा बजावीत असताना कै.अनिल विसपुते(नाना गुरुजी) व कै. शालिनी चव्हाण यांची प्राणज्योत मालविली होती. त्यांच्या प्रतिमेला पुष्पहार अर्पण करून त्यांच्या स्मृतींना उजाळा देण्यात आला. कर्तव्य ग्रुप कानळदा हा ग्रुप सामाजिक, शैक्षणिक क्षेत्रात भरीव कामगिरी आहे. सर्वांच्या मदतीला निस्वार्थ भावनेने उभा राहणार ग्रुप आहे. यामध्ये विद्यार्थी पासून ते जेष्ठ नागरिक पर्यंत, शेतकरी पासून ते उच्च पदस्थ या ग्रुप चे सदस्य आहेत. शिक्षक दिनाचा हा कार्यक्रम गावकरी यांच्या वतीने कर्तव्य ग्रुप कानळदा यांच्या मार्फत आयोजित करण्यात आला होता.
यावेळी जितेंद्र सपकाळे (माजी विद्यार्थी फौंडेशन अध्यक्ष), तुषार विसपुते(सचिव), महेश चव्हाण, वैभव चव्हाण, रितेश भोई, तुषार भोई, दिनेश सपकाळे, अनिल तायडे यांच्यासह सर्व सदस्य व सर्व गावकरी उपस्थित होते.
