धरणगाव (प्रतिनिधी) तालुक्यातील एका गावात राहणाऱ्या १५ वर्षीय अल्पवयीन मुलगी अत्याचारातून गर्भवती राहिल्याचा संतापजनक प्रकार उघडकीस आला आहे. याप्रकरणी धरणगाव पोलीस स्थानकात एकाविरुद्ध गुन्हा दाखल करण्यात आला आहे.
धरणगाव तालुक्यातील एका गावात १५ वर्षीय अल्पवयीन मुलीची ओळख गावातील विक्की रविंद्र कोळी (वय ३५) यांच्याशी सहा महिन्यांपुर्वी झाला होती. ओळखीचा गैरफायदा घेत विक्कीने अल्पवयीन मुलीवर गेल्या सहा महिन्यांपासून अत्याचार केलेत. या अत्याचारातून अल्पवयीन मुलगी गर्भवती राहिली. तसेच हा प्रकार कुणाला सांगितला तर तुझ्या भावाला मारेल, अशी धमकी पीडित मुलीला दिली. या प्रकरणी पिडीत मुलीच्या आईच्या फिर्यादीवरून धरणगाव पोलिसात गुन्हा दाखल करण्यात आला असून पुढील तपास सपोनि जीभाऊ पाटील हे करीत आहेत.
