मुंबई (वृत्तसंस्था) प्रख्यात मराठी अभिनेत्री निवेदिता सराफ यांना कोरोनाची लागण झाली आहे.
निवेदिता सराफ यांना कोरोना विषाणूचे सौम्य लक्षणे जाणवू लागल्याने खबरदारीचा उपाय म्हणून कोरोनाची चाचणी करून घेण्याचे ठरवले. १५ सप्टेंबर रोजी त्यांचा चाचणी अहवाल पॉझिटीव्ह आला. सौम्य लक्षणे असल्याने त्यांना घरीच क्वारंटाईन करण्यात आल्याचे वृत्त आहे. ‘अग्गबाई सासूबाई’ मालिकेत सध्या निवेदिता सराफ आसावरी राजेची भूमिका साकारत आहेत. त्यामुळे या मालिकेत महत्त्वाच्या भूमिका असणारे तेजश्री प्रधान, आशुतोष पत्की, डॉ. गिरीश ओक यांच्यासह इतर कलाकारांचीही कोरोना चाचणी करण्यात आली होती. परंतू सुदैवाने या सगळ्यांचा कोरोना अहवाल निगेटिव्ह आला आहे.
