उस्मानाबाद (वृत्तसंस्था) एकनाथराव खडसे हे २२ ऑक्टोबरला राष्ट्रवादीत प्रवेश करणार आहे का?, असे विचारल्यावर असे मुहूर्त रोज सांगितले जात असतात. मी त्यावर बोलणार नाही, असे म्हणत विरोधी पक्षनेते देवेंद्र फडणवीस यांनी खडसे यांच्या राष्ट्रवादी प्रवेशावर बोलण्याचे टाळले.
येत्या २२ ऑक्टोबर रोजी एकनाथ खडसे राष्ट्रवादी काँग्रेसमध्ये प्रवेश करणार असल्याची चर्चा आहे.एकनाथ खडसे यांच्यासोबत त्यांच्या कन्या जळगाव जिल्हा बँक अध्यक्ष रोहिणी खडसे यादेखील राष्ट्रवादीत प्रवेश करणार आहे, मुंबईत शरद पवारांच्या उपस्थितीत हा पक्षप्रवेश सोहळा पार पडणार आहे. यासाठी खडसेंच्या कार्यकर्त्यांना मुंबईत येण्याच्या सूचनाही देण्यात आल्याची देखील चर्चा आहे. देवेंद्र फडणवीस हे उस्मानाबादमध्ये अतिवृष्टीमुळे नुकसान झालेल्या भागाची पाहणी करण्यासाठी पोहोचले आहेत. यावेळी झालेल्या पत्रकार परिषदेत फडणवीस यांनी ठाकरे सरकारवर सडकून टीका केली. यावेळी पत्रकारांनी एकनाथ खडसे हे २२ ऑक्टोबरला राष्ट्रवादीत प्रवेश करणार आहे का?, असे विचारले असता फडणवीस यांनी असे विचारल्यावर असे मुहूर्त रोज सांगितले जात असतात. मी त्यावर बोलणार नाही, अशी प्रतिक्रिया दिली आहे.
