साकळी ता.यावल (प्रतिनिधी) तालुक्यातील सांगवी गावाजवळ काही युवकांच्या जागृकतेने कत्तलीच्या उद्देशाने गुरांची बेकायद्याशीर वाहतूक करणारा टाटा आयशर ट्रक यावल पोलीसांनी पकडला असून याबाबत चालकाविरुद्ध गुन्हा दाखल करण्यात आला आहे.
या संदर्भात पोलीस सुत्रांकडून मिळालेली माहीती अशी की, दि. ७ ऑक्टोबर रोजी सकाळी ९.३० वाजेच्या सुमारास फैजपूर-यावल मार्गावरील सांगवी गावाजवळ रस्त्यावर टाटा आयशर (एम.एच ०६ ए.जी ७६८९) या चार चाकी वाहनातून सावदा येथून चोपडा येथे कत्तलीच्या उद्देशाने वाहनात अत्यंत निर्दयीपणे कोंबुन गुरांची वाहतूक करण्यात येत होती. याची माहीती, काही युवकांनी यावल पोलीस निरिक्षक अरुण धनवडे यांना सांगितली. त्यांनी तात्काळ सांगवी गावाजवळच्या मार्गावर असलेले ट्रक व त्यातील ९ जनावरे ताब्यात घेतले. याबाबत यावल पोलीस स्टेशनमध्ये वाहन चालक शेख मुजाहीद शेख रज्जाक (रा . चोपडा आणि क्लिनर शेख मुश्तका शेख बिस्मिल्ला (रा. चोपडा) यांच्याविरुद्ध गुन्हा दाखल करण्यात आला आहे. दरम्यान पोलीस निरिक्षक अरुण धनवडे यांनी तात्काळ जळगाव येथील आर सी बाफना यांच्या गौशाळेत सर्व गुरेढोरे पाठवण्यात आले आहेत.
