जळगाव ( प्रतिनिधी ) – घराला कुलूप लावून सासरवाडीला गेलेल्या सागर राजेंद्र जगताप (वय ३२, रा. सत्यम पार्क) यांच्या घरात चोरट्यांनी डल्ला मारला. याठिकाणाहून चोरट्यांनी १ लाख रुपयांच्या रोकडसह दीड तोळे सोन्याचे दागिने चोरून नेले. ही घटना दि. २१ मार्च रोजी उघडकीस आली. या प्रकरणी तालुका पोलिस ठाण्यात अज्ञात चोरट्यांविरुद्ध गुन्हा दाखल करण्यात आला आहे.
शहरात पानाचे दुकान असलेले सागर जगताप हे सत्यम पार्क परिसरात कुटुंबियांसह वास्तव्यास आहे. त्यांची भिशी लागल्यामुळे त्यांना मिळालेले भिशीचे १ लाख रुपये त्यांनी घरात ठेवले होते. दि. २० मार्च रोजी ते पत्न ीसह निवृत्तीनगरात सासरी गेले. त्या वेळी चोरट्यांनी घराच्या दरवाजाचे कुलूप तोडून आत प्रवेश केला. घरातील सर्व साहित्य अस्ताव्यस्त फेकून कपाटातील रोख १ लाख रुपये, १ तोळे सोन्याची चैन, १ ग्रॅमचे पेंडल, १ ग्रॅमचे मणी, ३ ग्रॅमचे मंगळसूत्र असा एकूण १ लाख ४७ हजार रुपये किमतीचा ऐवज चोरून नेला.
घरी आल्यानंतर घटना उघडकीस
सागर जगताप हे घरी परतले त्या वेळी त्यांना घरात चोरी झाल्याचे लक्षात आले. या प्रकरणी त्यांनी तालुका पोलिस ठाण्यात फिर्याद दिली. त्यावरून अज्ञात चोरट्यांविरुद्ध गुन्हा दाखल करण्यात आला आहे. पुढील तपास उपनिरीक्षक श्यामकुमार मोरे करीत आहेत.
परिसरातील सीसीटीव्ही फुटेवरुन चोरट्यांचा शोध सुरु ज्या परिसरात ही घरफोडी झाली,
ती भाग विस्तारीत असल्यामुळे तेथे नवीन वस्ती झाली आहे. त्यांच्या घराजवळ सीसीटीव्ही नाही, परंतू काही अंतरावर सीसीटीव्ही असून त्याद्वारे पोलिस शोध घेत आहेत. घटनास्थळी तालुका पोलिस ठाण्याचे कर्मचारी, श्वानपथक, ठसे तज्ज्ञांनी पाहणी करून पुरावे गोळा केले आहे.
