जळगाव (प्रतिनिधी) पक्षात नाराज असलेले डाॅ. राधेश्याम चाैधरी भाजपला लवकरच सोडचिठ्ठी देण्याच्या मार्गावर असल्याची चर्चा आहे. अगदी त्यांनी आपली नाराजी पक्षश्रेष्ठींकडे व्यक्त केल्याचे देखील कळतेय.
ऐन विधानसभा निवडणुकीच्या वेळी तत्कालीन पालकमंत्री गिरीश महाजन यांनी काँग्रेस शहर जिल्हाध्यक्ष डाॅ. राधेश्याम चाैधरी यांना पदाचा राजीनामा देऊन भाजपत आणले हाेते. भाजपात प्रवेशानंतर डॉ.चौधरी यांना भाजप शहर कार्यकारिणीत सरचिटणीस पदाची जबाबदारी देण्यात आली होती. परंतू डॉ. चौधरी यांना पक्षात पाहिजे तसा सन्मान मिळत नसल्यामुळे त्यांचे समर्थक नाराज होते. त्यामुळे काही दिवसांपासून डाॅ. चाैधरी पक्षाच्या बैठकांपासून लांब राहत आहेत. एवढेच नव्हे तर त्यांनी आपली नाराजी पक्षश्रेष्ठींकडे व्यक्त केल्याचे देखील कळतेय. दरम्यान, भाजप प्रवेशापूर्वी शहरात सक्रिय असलेल्या ‘जळगाव फर्स्ट’चे कार्य पुन्हा सुरू करण्यासाठी त्यांचे समर्थक आग्रह करत असल्याची देखील चर्चा आहे.
