जळगाव (प्रतिनिधी) शहरातील सार्वजनिक बांधकाम विभागात आज दुपारी जोरदार राडा झाल्याची चर्चा आहे. धक्कादायक म्हणजे घटनास्थळी तलवार, पिस्तुल निघाल्याची जोरदार चर्चा आहे.
शहरातील सार्वजनिक बांधकाम विभागात आज दुपारी एक वाजेच्या सुमारास दोन गटात बांधकामाच्या टेंडरवरून चांगलाच राडा झाल्याचे कळते. यावेळी एका गटाने तलवार, पिस्तुल काढल्याचेही चर्चा आहे. दरम्यान, दोघं गटामध्ये समजोता झाल्यामुळे पोलिसात कुठलीही नोंद नव्हती. परंतु घटनेची माहिती मिळताच पोलीस घटनस्थळी पोहचले होते.
दरम्यान,काही महिन्यांपूर्वी एका आमदाराच्या नातेवाईकाला देखील मारहाण झाल्याची घटना घडल्याचे बोलले जात आहे. बांधकाम विभागाचे काही अधिकारी विशिष्ठ ठेकेदारांना झुकते माप देत असल्यामुळे अधून मधून अशी धूसफूस उफाळून येत असल्याचीही चर्चा घटनास्थळी होती.
मी घटनस्थळी गेलो होतो. परंतू तिथं कुणीही नव्हते. घटनेबाबत विचारपूस केली असता कुणीही प्रत्यक्षदर्शी सामोर आले नाही, तरी देखील तक्रार द्यायची असल्यास पोलीस स्टेशनला येण्याबाबत अभियंता श्री. सोनवणे यांना सांगितले आहे. तूर्त तरी कुणीही तक्रार द्यायला आलेले नाही.
डॉ. विशाल जैस्वाल
(पोलीस निरीक्षक, जिल्हापेठ पोलीस स्टेशन, जळगाव)
