जळगाव (प्रतिनिधी) मुलाला स्कूलबसमध्ये बसवून घराकडे परणाऱ्या नूतन स्वप्नील पाटील (वय ३४, रा. मुक्ताईनगर कॉलनी) या या महित महिलेच्या गळ्यातून १८ ग्रॅम वजनाची सोनपोत दुचाकीवरुन आलेल्या चोरट्याने जबरीने चोरुन नेली. ही घटना सोमवार दि. १४ रोजी सकाळी साडेदहा वाजेच्या सुमारास एसएमआयटी महाविद्यालय परिसरात घडली. याप्रकरणी जिल्हा पेठ पोलिसात अज्ञात चोरट्याविरुद्ध गुन्हा दाखल करण्यात आला आहे.
शहरातील मुक्ताई नगरात राहणाऱ्या नूतन पाटील या त्यांचा आठ वर्षाचा मुलगा सोहम याला स्कूलबसमध्ये सोडण्यासाठी आल्या होत्या. मुलाला बसमध्ये बसविल्यानंतर त्या एसएमआयटी महाविद्यालय रस्त्यावरील मेडिकलवर औषधी घेण्यासाठी जात होत्या. यावेळी मागून एक दुचाकीवर आलेल्या २८ ते ३० वर्षे वयोगटातील या अनोळखीने महिलेच्या गळ्यातील १८ ग्रॅम वजनाची सोनपोत ओढून नेली. घटनेनंतर महिलेने आरडाओरड केली, मात्र काही जणांनी पाठलाग करण्यापूर्वीच चोरटा दुचाकीसह तेथून पसार झाला. या प्रकरणी नूतन पाटील यांनी जिल्हा पेठ पोलिस ठाण्यात फिर्याद दिली. त्यावरून अज्ञात चोरट्याविरुद्ध गुन्हा दाखल करण्यात आला आहे.
