यावल (प्रतिनीधी) साकळी येथून ५ किलोमीटर अंतरावर असलेल्या थोरगव्हाण येथे मुख्य चौकात जुने निंबाचे झाड अचानक कोसळून त्यात झाडाखाली उभे असलेल ट्रॅक्टर (एम.एच. १९-९६३८) दाबले गेल्याने मोठे नुकसान झाले आहे. मात्र सुदैवाने कोणतीही जीवितहानी झाली नाही.
थोरगव्हाण येथे मुख्य चौकात अरुण अमृत चौधरी व गुलाब अमृत चौधरी यांच्या घरा बाहेरील निंबाचे झाड गुरुवारी दुपारी अचानक कोसळून त्यात झाडाखाली उभे असलेल ट्रॅक्टर दाबले गेल्याने त्याचे नुकसान झाले. या घटनेमुळे थोरगव्हाण मध्ये भीतीचे वातावरण निर्माण झाले होते. आजूबाजूला अनेक घरं होती. दुपारच्यावेळी तरुण व वृद्ध या झाडाखाली सावलीत बसतात. मात्र गुरुवारी तीन-चार व्यक्तीच या ठिकाणी होते. झाड कोसळत असल्याचे लक्षात येताच त्यांनी लगेच या ठिकाणाहून पलायन केले. अन्यथा हे तिघे-चौघे जण दाबले गेले असते. सुदैवाने कोणतीही जीवितहानी झाली नाही.
