भुसावळ (प्रतिनिधी) दुरुस्तीचे काम सुरु असताना अचानक झालेल्या शॉर्ट सर्किटमुळे एक कर्मचारी भाजल्याची घटना दीपनगर औष्णिक वीजनिर्मिती केंद्रात मंगळवारी दुपारी घडली. सचिन शिंदे (वय ३०, रा. दीपनगर) असे जखमी कर्मचाऱ्याचे नाव आहे.
मंगळवारी दुपारी चार वाजेच्या सुमारास दीपनगर औष्णिक वीजनिर्मिती केंद्रातील ५०० बाय दोनच्या संचातील हॉपर हिटर दुरुस्तीचे काम सुरु होते. यावेळी अचानक शॉर्टसर्किट झाला. त्यात महानिर्मितीचा कर्मचारी सचिन शिंदे याचा डावा हात, चेहरा भाजला गेला. तर डोक्यावरील केस देखील जळाले. सचिनला सहकारी कर्मचाऱ्यांनी तत्काळ भुसावळ येथील रिदम हॉस्पीटलमध्ये उपचारार्थ दाखल केले. त्याच्यावर प्रथमोचार करुन त्यास जळगाव येथील हॉस्पीटलमये दाखल करण्यात आले आहे. या घटनेमुळे कर्मचाऱ्यांमध्ये भिती निर्माण झाली आहे.
