धरणगाव (प्रतिनिधी) मुख्यमंत्री एकनाथ शिंदे व माजी मंत्री आ.गुलाबरावजी पाटील यांच्या समर्थनार्थ सामूहिक राजीनाम्याचे सत्र सुरूच आहे. आता शिवसेना धरणगाव तालुका अल्पसंख्याक आघाडी प्रमुख दानिश पठाण यांनी राजीनामा दिला आहे.
दानिश फिरोज पठाण यांनी आपल्या धरणगाव शिवसेना अल्पसंख्याक आघाडी प्रमुख पदाचा राजीनामा देतांना म्हटले आहे की, मी माजी मंत्री आ. गुलाबरावजी पाटील यांचा खंदा समर्थक असून गुलाबभाऊंनी आमच्या समाजाला मागेल ती विकासकामे व मदत केलेली आहे. आमच्या सर्व सुखदुःखात माजी मंत्री आ. गुलाबरावजी पाटील, त्यांचे चिरंजीव जि.प. सदस्य प्रताप गुलाबरावजी पाटील हे सदैव हजर असतात. त्यामुळे मी राजीनामा देत आहे, असे दानिश पठाण यांनी सांगितले. दरम्यान, आज सकाळपासून धरणगाव तालुक्यात शिवसेनेच्या पदाधिकाऱ्यांचे राजीनामा सत्र सुरु आहे.