भुसावळ (प्रतिनिधी) पुर्व वैमनस्यातून तरुणाचा धारदार शस्त्राने खून करणाऱ्या टोळीतील पाचव्या आरोपीला पोलिसांनी अटक केली आहे. रविवारी रात्री शहरातील महामार्ग चौपदरीकरण पुलाच्या बोगद्यात अल्तमश शेख रशीद या तरुणाचा निर्घृण खून करण्यात आला होता. दरम्यान, आदर्श उर्फ आदु मनोहर गायकवाड असे अटक केलेल्या आरोपीचे नाव आहे.
अल्तमश शेखचा खून उघडीस आल्यानंतर डीवायएसपी गजानन राठोड व पो.नि. बाबासाहेब ठोंबे यांच्या मार्गदर्शनाखाली बाजारपेठ पोलिसांच्या डी.बी. पथकाने तीन आरोपींना अटक केली होती. त्यानंतर आज भल्या पहाटे फरार असलेला पाचवा आरोपी आदर्श उर्फ आदु मनोहर गायकवाड याला देखील पोलिसांनी अटक केली आहे. शेख समीर शेख युसूफ, शेख शाहरूख शेख युसूफ, समीर शेख रहेमान शेख, शेख आमीर शेख युसूफ या चौघा आरोपींना आतापर्यंत अटक करण्यात आली होती. आज शेवटचा आरोपी आदर्श उर्फ आदु मनोहर गायकवाड याला देखील अटक करण्यात आली आहे. डीवायएसपी गजानन राठोड, पोलिस निरीक्षक दिलीप भागवत , प्रभारी निरीक्षक बाबासाहेब ठोंबे यांच्या मार्गदर्शनाखाली सहाय्यक निरीक्षक अनिल मोरे, सहाय्यक निरीक्षक मंगेश गोंटला, नाईक रवींद्र बि-हाडे, किशोर महाजन, रमण सुरळकर, उमाकांत पाटील, समाधान पाटील, विकास सातदिवे, प्रशांत परदेशी, ईश्वर भालेराव, योगेश महाजन, कृष्णा देशमुख आदींच्या पथकाने हे अटकसत्र केले.
