जळगाव (प्रतिनिधी) नूतन मराठा महाविद्यालयात गेल्या चार वर्षापासून प्राध्यापक म्हणून सेवा देत असल्याचे खोट्या मास्टरवर एकाच दिवशी सह्या करताना संस्थेचे प्रभारी अध्यक्ष अॅड.विजय भास्करराव पाटील यांनी ७ लोकांना नुकतीच रंगेहात पकडले होते. यासंबंधी श्री. पाटील यांनी दिलेल्या फिर्यादीवरून गुन्हा देखील दाखल करण्यात आला आहे. दरम्यान, या गुन्ह्यातील संशयितांच्या अटकेसाठी अॅड.विजय पाटील यांनी काही पोलीस अधिकाऱ्यांची भेटी घेतल्याचे वृत्त आहे.
स्व.नरेंद्रअण्णा पाटील गटाकडून संशयितांच्या अटकेसाठी मोर्चेबांधणी
स्व.नरेंद्रअण्णा पाटील गटाकडून आरोपींना अटक करण्यासाठी जोरदार मोर्चे बांधणी करत असल्याची चर्चा आहे. यासाठी ॲड. पाटील यांनी वरिष्ठ अधिकाऱ्यांची भेट देखील घेतली असल्याचे कळते. दुसरीकडे संशयितांवर भारतीय दंड संहिता अधिनियम :१८६० प्रमाणे १२०-B,४६५,४६७,४६८,४२०,३४ असे गंभीर व महत्वपूर्ण कलमांन्वये गुन्हा दाखल झाला असल्यामुळे एकूणच प्रकरणाचे गांभीर्य वाढले आहे. यामुळे संशयितांच्या अडचणीत अधिकची वाढ झाली असल्याचे दिसून येत आहे.
चार परमनंट कर्मचाऱ्यांचे भवितव्य धोक्यात
सदर गुन्ह्यांमध्ये ०४ पर्मनंट कर्मचाऱ्यांचा समावेश आहे. त्यामध्ये प्राचार्य डॉ. एल पी देशमुख, उपप्राचार्य ए बी वाघ, शिवराज मानके – पाटील, पी ए पाटील यांचा समावेश आहे. सदर गुन्ह्यात आरोपींना अटक झाल्यास व २४ तासापेक्षा जास्त वेळ त्यांना कारागृहात राहावे लागल्यास त्यांच्या नोकरीचे भवितव्य धोक्यात येण्याची शक्यता आहे. सदर प्रकरणात आरोपी जरी नॉटरिचेबल असले तरी पोलिस त्यांचा शोध घेत असल्याचे कळते. सदर संशयितांना अटक झाल्यास त्यांच्या नोकरीचे भवितव्य धोक्यात येण्याची शक्यता आहे. यातील काही संशयितांच्या घरी पोलिसांनी जाऊन चौकशी देखील केल्याचे कळते. अटकेच्या भीतीने संशयित नॉटरिचेबल झाले असल्याची चर्चा आहे.
