चाळीसगाव (प्रतिनिधी) लग्नाच्या नावाखाली १ लाख ७० हजारांचे दागिने घेऊन एकाची फसवणूक झाल्याची घटना समोर आली आहे. याप्रकरणी चाळीसगाव पोलीस ठाण्यात सहा जणांविरुद्ध गुन्हा दाखल करण्यात आला आहे.
यासंदर्भात अमोल विश्वनाथ महाजन (वय ३०, रा. पातोंडा चाळीसगाव) यांनी दिलेल्या फिर्यादीनुसार, दि. २५ जानेवारी २०२२ रोजी ते २९ जानेवारी २०२२ रोजी दरम्यान सुरेखा गणेश भावणे, शकुंतला शिवाजी वंजारे (दोन्ही रा. औरंगाबाद), एजंट किरण नारायण पाटील, ज्योती राम कळसकर, शुभम प्रशांत, कितीशाह, सोनिया राम कळसकर (रा. औरंगाबाद) यांनी संगणमत करुन अमोल महाजन यांचा विश्वास संपादन केला. तसेच लग्न लावून देण्याच्या नावावरुन लग्न लावण्यासाठी १ लाख ७० हजार रुपये किंमतीचे सोन्याचे दागिने असे घेवून फसवणुक केली. याप्रकरणी चाळीसगाव पोलीस ठाण्यात सहा जणांविरुद्ध गुन्हा दाखल करण्यात आला असून पुढील तपास स.फौ. अनिल अहीरे हे करीत आहेत.
