चोपडा (प्रतिनिधी) तालुक्यातील एका गावात राहणाऱ्या २७ वर्षीय महिलेचा विनयभंग केल्याची घटना उघडकीस आली आहे. याप्रकरणी चोपडा ग्रामीण पोलीस स्थानकात शरद प्रताप कोळी याच्याविरुद्ध गुन्हा दाखल करण्यात आला आहे.
यासंदर्भात अधिक असे की, दि. १२ जून २०२२ रोजी सकाळी १० वाजेच्या सुमारास चोपडा तालुक्यातील एका गावात राहणारी २७ वर्षीय महिला ही घरात एकटी असताना शरद प्रताप कोळी हा पीडित महिलेच्या घरात घुसला. महिला घरात एकटी असल्याच्या फायदा घेत त्याने महिलेस पाठीमागुन धरले व मनात लज्जा उत्पन्न होईल असे कृत्य केले. तसेच पीडित महिलेच्या पतीला नागलवाडी रोडवर ढकलुन देत पळून गेला. याप्रकरणी पीडित महिलेच्या फिर्यादीवरून चोपडा ग्रामीण पोलीस स्थानकात शरद प्रताप कोळी याच्याविरुद्ध गुन्हा दाखल करण्यात आला आहे. तसेच पुढील तपास पोहेकॉ शिवाजी बाविस्कर हे करीत आहेत.
