जळगाव (प्रतिनिधी) जिल्ह्यातील चाळीसगाव तालुक्यातल्या कोंगानगर शिवारात वीज पडून तीन जण ठार झाले असून दोन जण गंभीर जखमी झाले आहेत.
लखन दिलीप पवार (वय 14 वर्षे, रा. कोंगानगर), दशरथ उदल पवार (वय 24 वर्षे, रा. कोंगानगर), समाधान प्रकाश राठोड (वय 9 वर्षे, रा. जेहूर, ता. कन्नड, जि. छत्रपती संभाजीनगर) हे तीन जण ठार तर दिलीप उदल पवार (वय 35 वर्षे) व उदल गणपत पवार हे दोन जण गंभीर जखमी आहे.
दरम्यान जखमींना तातडीने चाळीसगाव शासकीय रुग्णालयात दाखल करण्यात आले आहे. घटनेची माहिती मिळतात आमदार मंगेश चव्हाण यांच्यासह प्रशासकीय अधिकारी शासकीय रुग्णालयात दाखल झाले असून या घटनेमुळे चाळीसगाव तालुक्यात मोठी खळबळ उडाली आहे.
