जळगाव (प्रतिनिधी) अमळनेर येथील श्री मंगळ ग्रह मंदिराची माहिती गत महिन्याभरात ३० हजार भाविकांनी गुगलवर शोधली. विशेष म्हणजे केवळ माहिती शोधली नाहीत तर मंदिरात येऊन गेलेल्या भाविकांनी आपला अभिप्राय, प्रतिक्रिया तसेच मत देखील मंदिराच्या संकेतस्थळावर नोंदवले आहे.
प्रत्येकाच्या खिशात स्मार्ट फोन असल्याने आता जग फार जवळ आल्यासारख वाटतंय…कोणतीही माहिती लागली की आपण पटकन मोबाईल काढतो अन गूगलवर शोधतो. अशीच एक माहिती विश्वातील एकमेव अति दुर्मिळ, अति प्राचीन व अति जागृत असलेल्या अमळनेर येथील श्री मंगळ ग्रह मंदिराची माहिती गत महिन्याभरात ३० हजार भाविकांनी शोधली. केवळ माहिती शोधली नाहीत तर पूजेला येण्याची वेळ, ऑनलाइन अभिषेक बुकिंग, इतर प्रश्न शेअर केले आहेत. मंदिर प्रशासनाने तत्परतेने भाविकांनी प्रश्नांची मंदिराच्या संकेतस्थळाचा रिव्यू वाढला. त्यामुळे गुगलने दखल घेत मंगळ ग्रह मंदिराच्या संकेतस्थळाला ४.६ रैंक (रिव्यू) असलेले डिजिटल प्रमाणात दिले आहे.
