भुसावळ प्रतिनिधी । शहरांमध्ये दिवसेंदिवस गुन्हेगारी वाढत आहे, एकाच महिन्यांमध्ये दोन मर्डर झाल्यामुळे शहरात दहशतीचे वातावरण निर्माण झाले आहे ,या पार्श्वभूमीवर आज भुसावळचे डी. वाय. एस. पी. गजानन राठोड यांनी पत्रकारांशी संवाद साधला. त्यावेळी राठोड म्हणाले की, गेल्या दोन वर्षापासून 47 गुन्हेगार व 4 टोळ्यानां हद्दपार केली आहे.
तरीही ही गुन्हेगारी वाढत आहे, गुन्हेगार हे 30 ते 25 वयाच्या आतील आहेत, त्यामुळे पालकांनी आपल्या मुलांकडे जातीने लक्ष घालण्याची आज गरज निर्माण झाली आहे ,आपली मुले काय करतात याकडे लक्ष देणे गरजेचे आहे, यावेळी बोलताना राठोड यांनी पोलिसांचे संख्याबळ ही सध्या अपुरी आहे, त्यामुळे आहे त्या संख्याबळावर ते काम करावे लागत असल्याचेही यावेळी त्यांनी नमूद केले.
