अमळनेर (प्रतिनिधी) येथील ख्यातनाम श्री मंगळदेव मंदिरात आज गुढीपाडव्यानिमित्त ५१ फुटी महागुढी उभारण्यात आली. राष्ट्रीय कीर्तनकार योगेश्वर उपासनी पूजेचे मानकरी होते.
श्री मंगळदेव ग्रह मंदिरात सर्वच सण आणि उत्सव विधीवतरित्या व मोठ्या उत्साहाने साजरे होतात. मात्र त्यातही एखादा सण किंवा उत्सव मंगळवारी आल्यास त्याचे वेगळेपण जपण्याचा मंदिराचा नेहमी प्रयत्न असतो.
साधारणतः पाच वर्षांपूर्वी मंगळवारी गुढीपाडवा आला होता. तेव्हाही ५१ फुटी महागुढी उभारण्यात आली होती. आजही मंगळवारी गुढीपाडवा आल्याने ५१ फुटी महागुढी उभारण्यात आली. यानिमित्ताने विशेष पूजाअर्चा करण्यात आली. कोरोनाचे संकट टळावे यासाठी विशेष पूजा व प्रार्थना करण्यात आली.
यावेळी मंदिराचे उपाध्यक्ष एस. एन. पाटील, सचिव एस. बी. बाविस्कर, सहसचिव दिलीप बहिरम, खजिनदार गिरीश कुलकर्णी, विश्वस्त अनिल अहिरराव, सेवेकरी रवींद्र बोरसे, विश्वंभर उपासनी आदी उपस्थित होते. गुढी निर्मितीसाठी सेवेकरी गणेश सपकाळे यांनी विशेष परिश्रम घेतले. मंदिराचे पुजारी प्रसाद भण्डारी यांनी पौराहित्य केले. पुजारी तुषार दीक्षित यांनी त्यांना सहकार्य केले.
