जळगाव (प्रतिनिधी) कंत्राटी वायरमनला १ लाखांची लाच स्वीकारतांना एसीबीच्या पथकाने रंगेहात अटक केली आहे. प्रशांत विकास जगताप (वय ३३, व्यवसाय – कंत्राटी वायरमन), असे संशयित आरोपीचे नाव आहे.
जळगाव शहरातील ५३ वर्षीय तक्रारदार यांचे घराचे बांधकाम नुकतेच पूर्ण झाले असून त्यांनी घराला वीज मीटर बसवण्यासाठी यापूर्वीच अर्ज केला होता. परंतु त्यांना मीटर बसवले नव्हते. दरम्यानच्या काळात त्यांच्या घराला जळगाव एमएसीबीच्या पथकाने भेट दिली होती. या भेटीनंतर त्यांना ४ लाख ६० हजार रुपये दंडाची रक्कम भरली तरच वीज मीटर कनेक्शन मिळेल, असा निरोप कंत्राटी वायरमन प्रशांत जगताप याने दिला होता. त्यानंतर तक्रारदार यांनी कंत्राटी वायरमन यांची भेट घेऊन त्यांच्याशी बोलणी केली असता त्यांना १ लाख ६० हजार रुपयांमध्ये प्रकरण मिटवतो, असे सांगून जगताप याने लाचेची मागणी केली होती.
परंतू तक्रारदार यांनी दिलेल्या तक्रारीवरून पंचा समक्ष पडताळणी केली असता कंत्राटी वायरमन यांनी तडजोडी अंती १ लाख ४० हजार रुपयांची मागणी करून पंचा समक्ष १ लाख रुपये आज रोजी स्वीकारताना रंगेहात पकडण्यात आले आहे. प्रशांत विकास जगताप (वय ३३) यांच्यावर जळगाव शहर पोलीस स्टेशनला गुन्हा दाखल करण्याची प्रक्रिया सुरु आहे.
