बोदवड (प्रतिनिधी) भाजपचे ग्रामविकास मंत्री गिरीश महाजन यांच्या विरोधात राष्ट्रवादीचे नेते आमदार एकनाथराव खडसे यांनी आक्षेपार्ह वक्तव्य केल्याचा आरोप करत बोदवड भाजपच्या पदाधिकाऱ्यांनी निषेधाच्या नावाखाली अत्यंत गलिच्छ, असे अशोभनीय कृत्य केले. यामुळे समाजातून तीव्र प्रतिक्रिया येत आहेत. बोदवड भाजपच्या पदाधिकाऱ्यांचे डोके ठिकाणावर आहे का?, प्रसिद्धीच्या हव्यासापोटी, अशोभनीय कृत्य करणे योग्य आहे का?, असे प्रश्न उपस्थित केले जात आहेत.
आ. खडसे यांनी मंत्री गिरीश महाजन यांनी आरोग्यमंत्री असतांना गायनिक( स्त्री ) विभागाकडे जास्त लक्ष दिले असे वक्तव्य करून महाजन यांचाच नाही तर महिलांचा सुद्धा अवमान केला, असा भाजपच्या कार्यकर्त्यांचा आरोप होता. यामुळे बोदवड येथे आमदार एकनाथराव खडसे यांनी भारतीय जनता पार्टी जळगाव जिल्ह्याचे नेते ग्रामविकास मंत्री माननीय नामदार गिरीश महाजन विषयी वक्तव्याच्या निषेधार्थ भारतीय जनता पार्टी, युवा मोर्चा, महिला मोर्चा आणि तालुक्यातील सर्व आघाडांच्या वतीने बोदवड शहरातील जुने टांगा स्टॅन्ड येथे निषेध आंदोलन केले. यावेळी भाजपा बोदवड तालुक्याचे अध्यक्ष प्रभाकर पाटील, जळगावजिल्हापूर्व सरचिटणीस वैशालीताई कुलकर्णी, युवा मोर्चा बोदवड शहर अध्यक्ष अभिषेक झाबक यांच्या नेतृत्वाखाली आंदोलन करण्यात आले. आंदोलनात खडसे यांच्या छायाचित्रास जोडे मारून कार्यकत्यांनी निषेध व्यक्त केला. मात्र या सोबतच त्यांनी एक असे गलिच्छ कृत्य केले ज्यामुळे बघे अवाक् झालेत. (बातमीत उल्लेख न करण्यासारखा प्रकार) घाणेरड्या पद्धतीच्या आंदोलनामुळे सुज्ञ नागरिकांमधून तीव्र नाराजी व्यक्त केली जात आहे.
यावेळी जळगाव जिल्हापूर्व चिरणीस परमेश्वर टीकारे , जिल्हा कार्यकारणी सदस्य भागवत चौधरी, जिल्हा महिला मोर्चाच्या उपाध्यक्षा अनिताताई अग्रवाल, युवा मोर्चा जळगाव जिल्हा कोषाध्यक्ष राम आहुजा, जळगाव जिल्हापूर्व अभियंता सेलचे जिल्हा-संयोजक अमोल शिरपूरकर, बोदवड तालुका उपाध्यक्ष विक्रम पाटील, सरचिटणीस अमोल देशमुख, राजेंद्र डापसे, बोदवड शहर सरचिटणीस वैभव माटे, युवामोर्चा बोदवड शहर उपाध्यक्ष राहुल माळी व सागर गंगतीरे, बोदवड शहर संपर्क प्रमुख मधुकर पारधी, भाजपा विस्तारक उमेश गुरव , तालुका सोशल मीडिया प्रमुख रोहित अग्रवाल, सुनील आसटकर, संजय अग्रवाल, सुनील माळी , रोशन पाटील यांचेसह भारतीय जनता पार्टी बोदवड तालुका व शहर चे सर्व प्रदेश, जिल्हा, नगरसेवक, मंडल अध्यक्ष व पदाधिकारी, मोर्चा/आघाडी अध्यक्ष व पदाधिकारी, शक्ती केंद्रप्रमुख, बूथ प्रमुख यांच्यासह सर्व पदाधिकारी व कार्यकर्ते आदी उपस्थित होते.
