धरणगाव (प्रतिनिधी) दारूच्या नशेत असलेल्या एकाने १८ वर्षीय तरुणाच्या डोक्यात वीट मारून दुखापत केल्याची घटना धरणगाव तालुक्यातील जांभोरा गावी घडली. याप्रकरणी धरणगाव पोलीस स्थानकात दोघांविरुद्ध गुन्हा दाखल करण्यात आला आहे.
यासंदर्भात ईश्वर अजबराव बेलदार (वय १८ रा. जांभोरा ता. धरणगाव) यांनी दिलेल्या फिर्यादीनुसार, दि. १४ जून २०२२ रोजी मोहन बाबा चांभार याने ईश्वर बेलदार याच्या चुलत भावाशी भांडण करून त्याला मारहाण केल्याचे ईश्वर याला समजले. ईश्वर तेथे पाण्यासाठी गेला असता काही एक कारण नसताना मोहन चांभार याने दारूच्या नशेत अश्लील शिवीगाळ केली. तसेच ईश्वर यास तू मला शिवीगाळ का करतो आहेस, असे बोलला असता मोहन चांभार याला त्याचा राग आला आणि त्याने खाली पडलेली वीट हातात उचलून ईश्वरच्या डोक्यात मारून दुखापत केली. तसेच त्याची आजी लक्ष्मीबाई रामचंद्र चांभार हिने देखील ईश्वर याला साप्ता बुक्क्यांनी मारहाण केली. यावेळी मोहनने ईश्वर याला जीवे मारण्याची धमकी सुद्धा दिली. याप्रकरणी धरणगाव पोलीस स्थानकात दोघांविरुद्ध गुन्हा दाखल करण्यात आला असून पुढील तपास स.फौ संतोष थोरात हे करीत आहेत.
