बोदवड (प्रतिनिधी) येथील उजनी रस्त्यावरील शेतामध्ये कपाशी पिकावर फवारणी करताना विषबाधा होऊन प्रभाकर रामदास वंजारी ( वय ५७) यांचा मृत्यू झाल्याची दुर्दैवी घटना गुरुवारी दुपारी घटना घडली.
फवारणीवेळी वंजारी यांनी मळून तंबाखू खाताना त्यांच्या तोंडात फवारणीच्या विषारी औषधाचा अंश गेल्याने त्यांना विषबाधा झाली. त्यामुळे उलटी व मळमळ होऊ लागल्याने त्यांना सरकारी दवाखान्यात आणले. मात्र उपचारापूर्वी तपासणीत त्यांना डॉक्टरांनी मृत घोषित केले. या प्रकरणी अरविंद प्रभाकर वंजारी यांच्या खबरीवरून येथील अकस्मात मृत्यूची नोंद करण्यात आली आहे. दरम्यान, प्रभाकर वंजारी यांच्या मृत्यूमुळे परिसरात हळहळ व्यक्त करण्यात येत आहे.
