धरणगाव (प्रतिनिधी) येथील लहान माळीवाडा परिसरात समस्त माळी समाज पंच मंडळाची बैठक नुकतीच संपन्न झाली. या बैठकीत विविध विषयांवर चर्चा करण्यात आली. प्रारंभी स्व. राजेंद्र महाजन यांना भावपूर्ण श्रद्धांजली वाहण्यात आली.
समस्त माळी समाज पंच मंडळ, लहान माळीवाडा संस्थेची बैठक दि. 24 सप्टेंबर रोजी रात्री 9 वाजता संस्थेच्या सभागृहात संपन्न झाली. त्यात विविध विषयांवर चर्चा करण्यात आली. कार्यक्रमाच्या अध्यक्षस्थानी समाजाचे अध्यक्ष रामकृष्ण महाजन हे होते. प्रारंभी समाजाचे कोषाध्यक्ष स्व. राजेंद्र किसन महाजन यांचे हृदयविकाराचा झटक्याने निधन झाल्याने त्यांच्या श्रद्धांजलीचा ठराव पारित करण्यात आला. ज्येष्ठ पत्रकार व समाजाचे पंच म्हणून कडू महाजन यांनी त्यांच्या कार्याचा उजाळा देत स्वर्गीय राजेंद्र महाजन यांनी सामाजिक व विधायक कार्यात केलेल्या कार्याची माहिती देऊन सर्वानुमते भावपूर्ण श्रद्धांजली अर्पण केली. तसेच बैठकीत मागील विषय वाचुन मंजुरी देण्यात आली. यावेळी समाजाची नवीन वास्तू उभारणी संदर्भात चर्चा करण्यात आली. त्याप्रसंगी समाजाचे अध्यक्ष रामकृष्ण महाजन, उपाध्यक्ष शिवाजी देशमुख, सचिव पुंडलीक महाजन, सह कोषाध्यक्ष राजेंद्र मांगो महाजन, सहसचिव दिपक महाजन, गुलाब महाजन, एस.डब्ल्यु. पाटील, वासुदेव महाले, राजेंद्र महाजन, शांताराम महाजन, दयाराम महाजन, भटूलाल महाजन, जितेश महाजन, प्रदीप माळी आदी पंच मंडळ व समाज बांधव उपस्थित होते.
